[unterstrichen = eher unsichere Transkription]

Dem hochwürdigen fürsten vnd herren hern Ortlieben Bischofen zuo Chur minem gnedige

herren embut Ich Georg Graf von Werdenberg vnd Sanagaza etc min willig dienst

zuvor. Als kurtzlich die pfarkirch zuo Oberfaz durch abgang hern Niclausen seligen

ains letsten besitzers ledig werden ist, derselben kirchen lihung und presentierung mir

ditzmals zuostat vnd gebuert. Also praesentiere vnd antwurte Ich üwern gnaden den Ersamen

minen suone Georgen halbgrafen von Sanagaza zaiger ditz briefs, dem ich die obgemelten

pfarkirchen luterlich umb gotzwillen gelihen habe. Bit miner gnad die wölle in uff solche

pfarrkirchen investieren bestetigen und darinne tun als uweren gnaden zuostat und geburt.

Das will ich fruntlich umb uwer gnad verdiene des zuo warem Urkunde han ich min

Insigel haissen henken an disen brief der geben ist zuo Ortenstein uff Sampstag vorsant

symon und sant Judas tag der heiligen zwölff botten. Do man zalt nach cristus

unsers herren gepurt vierzehen hundert und im zwayundachtzigsten Jaren

[Rückseite]

[2. Hand]

Presentatio in Obervaz

[1. Hand]

1482

N.12