Uff andingen Frantz Schwartz oder zum spil und ge[bot]

herren ratsrichters vogt Schallen hett bezügt uf

montag vor tryum regum anno 1564

Pläsi Maler und Ulrich Stürmlin.

Fendrich Stürmlin bezügt, das Wilhelm Schwartz

gerett zuo Paris, das er etlich kronen Melcheren,

houptman Stafells son, gelichen habe, betörffts

selbigen gellts ietz selbs were dess mangelbar rette

zuo Bläsi Maler und im zügen dan sy in eyner

purs warent er hette kein gellt er

hets dem glent wie obstadt so erst es ime

wider gebe wellte er sy bsalen, allso keme

Schwartz an der schlacht umb bsalltte sy gezügen

nit.

Allso zügt Bläsi Maler, und sovil wytter,

das houptman

Melcher und Schwartz zuo im zügen zuo Sannt

Johan de Lone zuo im zügen kon, rette

Schwartz zuo im er hette wenig gellts mer

er hette x sonnenkronen houptman Stafells

son dem Melcher glichen, und alls Schwartz

[Rand: und er züg und ire purs] zuo Paris aber in schiessen söllen, rette er ich

hab kein gellt dan houptman Stafells

son hett mir die x sonnenkronen nit wider-

gen, allso tätte man die schlacht in dry oder

4 tagen darnach das syge im zügen zwüssen.